قصائد سمو الشيخ هزاع بن سلطان آل نهيان

صمت العاصفه


من تحبه عنك مايقوى البعاد
لو يهاجر شوف باجر لك يعود
مرجعه ذاتك وشوفه زاد زاد
كيف تعلى العين حاجبها وترود
يختلف لبهام وغيره كالعباد
حد كريم وحد فالدنيا جحود
ياوليف الروح معلاق الفواد
من يقول الحب يذبل كالورود؟
هل تلاشى كل شي مثل الرمال
والحدود اليوم تخلى من الحدود
في سواد كيف تنظر في سواد
والأسود اليوم تنهبها فهود
لاتخاف القلب قلبك لك وكاد
صايبنه فالهوى غيرك برود
لاجمال ولاهو حي ولاجماد
ومالشاعر ماتماريها جهود
لك غلا يزداد فاق الاعتياد
وضاري في زود تهدف دوم زود
في بلادي انته لي وحدك بلاد
وغربتي ماغربت وعد وعهود
الكلف مابينا عدى وساد
وهذا صمت العاصفه وهذي السدود
دام كل اللي مضى وإن راح عاد
وش بقى ميثاق ياذكرى الوعود
ماوقف قلب يحبك فانحياد
ويفرق اللي ..لك يجود..ولك يجود
الظنون اللي هواجيس واعتقاد
ردها في عين كل عاذل حسود
من لجا للصبر يبلغ كل مراد
خص نفسٍ تسمو العليا صعود
أصبح وأمسي شوقي في امتداد
وأترجل جامح الصبر بصمود
عرش قلبي عرشك انته بانفراد
ياسخي النفس.. ياترف الخدود
انت ليل الشوق في عيوني سهاد
والعيون اللي تناظرها شهود
تركض بحبك وجداني جياد
وفي وجودي انت لي كل الوجود
خذت قلبي قبل عيني يالوداد
وان بغيت الزود لك ينقاد قود


أحبك حبيبي





أحبك حبيي ولا لي سواك

واحلى الليالي ياخلي معاك

ودايم خيالك معي مايغيب

وتسوى عيوني.. عيوني فداك

اسمك في قلبي ولالك شريك

وقلبي يانبضه تراه يهتويك

هايم ومغرم وماقدر نسيك

بطيبك وحسنك ملكته بغلاك

أحبك ياعمري احيك أكيد

تدلل وآمر على ماتريد

لالا تعذب وتبعد.. بعيد

وأنا لو دقيقه ماطيقه جفاك

جميلٍ وتسحر عيونك عيون

كثير الموده وقلبك حنون

تفيض المحيه تهيض الشجون

ولاشافت عيوني ياروحي بحلاك


تزعل واراضيك





تزعل وانا اللي منك زعلان

تقسى و تجرح قلبي مغليك
غالي معي لو كان اللي كان

متعود ٍتزعل واراضيك
ان كنت ناوي الصد يافلان

الروح في بعدك تناديك
وان ييتني من الحب ظميان

بسقيك من حبي و برويك
يالسولعي يا دعج لعيان

ربي جمال الحور معطيك
حسن و جمال و قد فتان

في هيبتك من هو يجاريك
سبحان من صورك سبحان

كن الحسن مملوك (ف) يديك
لو هو إنخلق شرواك انسان

لا ما احتوى طيبة معانيك
اعاتبك والقلب ولهان

رغم العتب مقدر أجافيك
خلك معي والحب سلطان

ومحد بها الدنيا يماريك

قلب الحي



إذا حكم القدر اني أحبك

أنا مالي على الاقدار حيله

تولع قلبي العاشق بقلبك

وقلب الحي فالدنيا دليله

غلاك اللي سكني عند ربك

مشاعر جارفه كالسيل سيله

عيوني ياعيوني تبتعدبك

همومي منك ون بانت قليله

حجبت الشر عن شرقك وغربك

خوي القلب ياخلي وخليله

أشوف العمر باقي العمر قربك

حظوظ الغير ياخلي بخيله

واذا عارض تعرض دون دربك

أنا أشهد زلته زلزال حيله

يفكر ألف مره ولايمرك

وتالي قصته قصه طويله

وإذا قلبي هوه قلبي امتحنك

ترى روحي من أسبابك جتيله

أحبك لا ولا روحي صختبك

دلال وجسن ووصوفٍ جميله

جمالك بين هالعالم ظهربك

فتنت العين يابرق نخيله

أعرف الحب من دقات قلبك

وجودي وسط هالعين الكحيله